Ավստրիացիները պատրաստվում են նավթային տանկերի մեծությամբ ոսկեպատ զբոսանավ ստեղծել (լուսանկարներ)

Ավստրիական MOTION Code: BLUE ընկերության մասնագետներն իրենց ամենահարուստ հաճախորդների համար պատրաստվում են ստեղծել գերշքեղ զբոսանավ, որն իր չափով համեմատելի կլինի նավթային տանկերի հետ:

Ինչպես նշում է dailymail.co.uk-ը, այն կունենա 280մ երկարություն և կլինի ոսկեպատ: Զբոսանավը կոչվելու է Imāra, որը հիմնված է «արաբական էմիրություն» բառի վրա:

Հայտնի է, որ զբոսանավի տերը կկարողանա իր հյուրերին զարմացնել ներկառուցված դահուկուղով, ջրվեժներով, ուղղաթիռների թռիչքուղով, կինոթատրոններով, համերգասրահով, թենիսի կորտերով, ռեստորաններով ու ակումբներով, իսկ հսկայական Imāra-ի տարածքով տեղաշարժվելու համար կօգտագործվեն BMW 13 էլեկտրական մեքենաներ: