Բրիտանացին հին Ford Granada-ն վերածել է Zonda սուպերքարի կրկնօրինակի (լուսանկարներ)

Բրիտանացի ավտոմեխանիկ Նիք Թրումանը 1990թ.արտադրության Ford Granada մեքենան, որը նա գնել է 150 դոլարով, վերածել է 1.5 մլն դոլար արժողությամբ Pagani Zonda սուպերքարի կրկնօրինակի:

Ինչպես նշում է  The Daily Mail-ը, 53-ամյա տղամարդն այս հրաշալի ձևափոխությունն իրականացրել է 5 տարում` պակասող մասերը գնելով eBay առցանց  խանութից:

Նա պատմել է, որ ի սկզբանե ցանկացել է ստեղծել Jaguar մեքենայի կրկնօրինակը, սակայն հետո մտափոխվել է: Քանի որ բրիտանացին երբևէ իրական Zonda չի տեսել, ուստի որոշել է գնել դրա  խաղալիք տարբերակն ու ուսումնասիրել այն:

Քրտնաջան աշխատանքի անթիվ-անհամար ժամեր ծախսելուց հետո Թրումանը ստեղծել է 500 ձիաուժ հզորությամբ մեքենա, որը դեռևս պետք է փորձարկվի: Նա նաև հավելել է, որ մեքենայի ստեղծման համար ծախսել է մոտ 25 հազար դոլար: