Վրանի վերածվող քնապարկը կարող է փրկություն լինել անօթևանների համար (լուսանկարներ)

Անօթևան մարդիկ ձմռան ցուրտ ամիսներին մշտապես գտնվում են փողոցներում ցրտահարվելու ու մահանալու վտանգի տակ: Սակայն նորարարական քնապարկը կարող է հեշտությամբ լուծել այս խնդիրը:

Ինչպես նշում է huffingtonpost.com-ը, ամերիկացի ուսանողների ստեղծած քնապարկը հեշտությամբ վերածվում է վրանի: Այն ունի անիվներ, որոնք հնարավորություն են տալիս վրանը տեղից տեղ տանել:

Վրան-քնապարկի հեղինակները պատմել են, որ այն ստեղծելիս իրենք նպատակ են ունեցել որևէ կերպ թեթևացնել անօթևան մարդկանց հոգսերը: