Գիտնականները դանդաղեցրել են լույսի արագությունը

Բրիտանացի ֆիզիկոսները հայտնել են ֆոտոնների (լույսի մասնիկ) ուսումնասիրության մասին, որոնք վակուումում տեղաշարժվում են պակաս արագությամբ, քան լույսի արագությունը: Այս մասին  հաղորդում է Корреспондент-ը`  New Scientist-ին հղումով:

Ինչպես հայտնի է` լույսի արագությունը վակուումում  կայուն  ֆիզիկական մեծություն է և հավասար է մոտավորապես 300 000 կմ-ի մեկ վայրկյանում, սակայն արագությունը փոքրանում է, եթե լույսը տարածվում է միջավայրում:

Այս երևույթի հետ է կապված լույսի բեկումը: Օրինակ՝ ջրում տեղադրված առարկան բեկման պատճառով ավելի մոտ է թվում, քան իրականում:

Հետազոտության ժամանակ գիտնականները չափել են լույսի տարածման արագությունը վակուումում:  Այդ միջավայրում էլեկտրական և մագնիսական դաշտերի լարման վեկտորները հարթ ալիքի պարագայում տատանվում են`  շարժվելով ալիքի ուղղությամբ: Ուսումնասիրելով տարբեր միջավայրերում ֆոտոնների շարժը` գիտնականները եզրակացրել են, որ  մեկ մետրի տարածությունը անցնում են մի քանի միկրոմետր ուշացումով, ինչը նշանակում է, որ դրա արագութունը ավելի քիչ է, քան լույսի արագությունը վակուումում` մոտավորապես մեկ հազարերորդական տոկոսով: