Bentley ընկերությունը ներկայացրել է Mulsanne սեդանի «թագավորական» տարբերակը (լուսանկարներ)

Bentley-ն ներկայացրել է Mulsanne Majestic սեդանի սահմանափակ սերիան, որը նախագծել է ապրանքանիշի քաթարյան Al Wajba  դիլեր-ընկերությունը:

Ինչպես ներկայացնում է Корреспондент-ը` այս մոդելի բոլոր օրինակները վաճառվել են նախնական պատվերով՝ Արաբական թերակղզու երկրներում, որոնցից 5-ը` Քաթարում:

Majestic մոդելն ստացել  է փղոսկրի գույնի թափք, 21 դյույմանոց անվահեծեր` Mulline-ից: Սրահում նստելատեղերը կաշեպատ են, իսկ ապակիներին  սև վարագույրներ են քաշված: Ուղևորների համար առաջարկվում է երկու կաշվե բարձ, ձեռքի աշխատանք ներկայացնող գավաթներ, ինչպես նաև՝ սառնարան ըմպելիքների համար:

Հիշեցնենք, որ Bentley-ն կազմում է Volkswagen Group գերմանական կոնցեռնի մի մասը և մասնագիտանում է «լյուքս» դասի մեքենաների արտադրության  գործում: