Facebook-ը թույլ կտա օգտատերերին հետմահու տնօրինել սոցկայքի իրենց հաշիվները

Facebook սոցկայքը փոխել է վերաբերմունքը մահացած մարդկանց հաշիվների հանդեպ. այժմ օգտատերերը կկարողանան որոշել, թե ինչ տեղի կունենա իրենց հաշիվների հետ իրենց մահից հետո, գրում է Интерфакс-ը։

Facebook-ը օգտատերերին հնարավորություն կտա նշանակել իրենց մահից հետո հաշիվները տնօրինողներին (legacy contact), և այդ մարդը հնարավորություն կստանա սահմանափակ ղեկավարել հաշիվը՝ առանց հին գրառումները  կամ լուսանկարները մշակելու հնարավորության։ 

Որպես այլընտրանք՝ օգտատերը կարող է հանձնարարել ընկերությանն ամբողջությամբ հեռացնել իր մասին տեղեկությունն իր  մահից հետո։

Մինչ օրս Facebook-ն ավտոմատ կերպով սառեցնում էր այն օգտատերերի հաշիվները, որոնց մահվան մասին հայտնի է դառնում։ Սակայն նրանց օրինական ժառանգները հաճախ բողոքում էին նման որոշման դեմ՝ ցանկանալով ստանալ գրառումների հասանելիությունը կամ ինքնուրույն խմբագրել այն։

Նոր գործառույթը կսկսի գործել ԱՄՆ-ում այսօրվանից, հետագայում այն կտարածվի նաև այլ երկրների վրա։