Sony-ն մտադիր է զբաղվել ինքնակառավարվող մեքենաների մշակմամբ

Sony ընկերությունը բաժնեմաս է ձեռք բերել ճապոնական ZMP ստարտափում, որը զբաղվում է ռոբոտ-մեքենաների մշակմամբ:

Ինչպես գրում է Газета.Ru-ն` Financial Times-ին հղումով, Sony-ն ձեռք է բերել ճապոնական ընկերության բաժնետոմսերի 2 տոկոսը` 841 000 դոլար ընդհանուր արժեքով: Ընկերությունները մտադիր են համատեղ ավտոմեքենա մշակել, որն ամբողջությամբ հնարավոր կլիներ ղեկավարել տեխնիկայով:

Նման տեսակի մեքենա ստեղծելու գործում Sony-ն մտադիր է պատկերի սենսորներ կիրառել, որը մշակել է ընկերությունը և որը կիրառվում է բազմաթիվ սմարթֆոններում, այդ թվում` Apple-ի տեխնիկայում: