Microsoft-ի ամենաէժան սմարթֆոնները հայտնվել են ռուսական շուկայում (լուսանկարներ)

Ռուսաստանում Microsoft-ի պաշտոնական ներկայացուցչության  գրասենյակը հայտարարել է, որ ընկերության արտադրության ամենաէժան  Nokia 215-ը արդեն հասանելի է գնորդների համար, գրում է 3dnews.ru-ն:

Բջջայինն առաջին անգամ ցուցադրվել է Լաս Վեգասում անցկացվող CES 2015 նորագույն տեխնիկայի ցուցահանդեսին:

Բջջայինը արժե ընդամենը 42 դոլար (մոտ 20 000 դրամ): Սարքը հասանելի է սպիտակ, սև և վառ կանաչ գույներով:

Սարքը ունի 2.4 դյույմանոց էկրան, VGA տեսախցիկ, Bluetooth 3.0 մոդուլ և կարող է միանալ համացանցին 2G ցանցով:

Սմարթֆոնի մեջ հասանելի են արդեն տեղադրված  Opera Mini դիտարկիչը, Twitter և Facebook սոցիալական ցանցերը, ինչպես նաև Microsoft-ին պատկանող Bing որոնման համակարգը:

Բջջայինի հիշողությունը MicroSD-ով կարելի է մեծացնել 32ԳԲ-ով, իսկ օպերատիվ հիշողությունը 8ՄԲ է: 

Այն կշռում է 78.4 գրամ:  Այլ տեխնիկական մանրամասների համար՝ Microsoft-ի պաշտոնական կայքում: