Եգիպտոսի դատարանը ՀԱՄԱՍ-ը ահաբեկչական կազմակերպություն է ճանաչել

17:22 • 28.02.15

Կահիրեի անհետաձգելի գործերով դատարանը որոշել է պաղեստինական ՀԱՄԱՍ շարժումը ճանաչել ահաբեկչական կազմակերպություն, փոխանցում է Reuters-ը։

 

Նշվում է, որ նախօրեին Մեծ Բրիտանիայի կառավարությունը բարձրացրել էր ՀԱՄԱՍ քաղաքական թևը արգելված կազմակերպությունների ցուցակում ներառելու հարցը։

 

Հունվար ամսին Եգիպտոսի դատարանը որոշել էր ՀԱՄԱՍ-ի զինված թևը ահաբեկչական խմբավորումների ցուցակում ներառել։

 

ՀԱՄԱՍ-ը համագործակցում է եգիպտական  «Մուսուլման եղբայրներ» շարժման հետ, որը Եգիպտոսում ևս ճանաչվել է, որպես ահաբեկչական կազմակերպություն։