Ռուսաստանը չի պատրաստվում չեղարկել մթերային էմբարգոն
Ռուսաստանի իշխանությունները դեռ չեն պատրաստվում չեղյալ հայտարարել Ռուսաստանի դեմ պատժամիջոցներ սահմանած երկրներից մթերային ապրանքների ներկրման սահմանափակումները:
Այդ մասին հայտարարել է Ռուսաստանի փոխվարչապետ Արկադի Դվորկովիչը, գրում է gazeta.ru-ն:
«Մենք դեռ չենք պատրաստվում չեղարկել մթերային էմբարգոն»,- հայտարարել է նա:
Ավելի վաղ «Սպրավեդլիվայա Ռոսիա»-ից պատգամավորները խորհրդարան քննարկման են դրել օրենքի նախագիծ, որը վիճարկում է Ռուսաստանում մթերային էմբարգոն:
Հիշեցնենք, որ ԱՄՆ-ն և արևմտյան մի շարք երկրներ պատժամիջոցներ են սահմանել ՌԴ-ի դեմ` Ուկրաինայի հարցում դիրքորոշման համար:










