Ճապոնիայի վարչապետը արքայազն Ուիլյամին հյուրասիրել է Ֆուկուսիմայից բերված մթերքով
Ճապոնիայի վարչապետ Սինձո Աբեն Մեծ Բրիտանիայի արքայազն Ուիլյամին այսօր տեղի ունեցած պաշտոնական ճաշկերույթի ժամանակ հյուրասիրել է Ֆուկուսիմայից բերված մթերքով, գրում է news.mail.ru-ն։
Սինձո Աբեն արքայազնի հետ ճաշկերույթ է անցկացրել Կոորիյամա քաղաքում, որտեղ մատուցվել են ավանդական ճապոնական ուտեստներ՝ պատրաստված տեղական մթերքներից։
Նշվում է, որ նման քայլով վարչապետը ցանկացել է վերացնել ատոմակայանի վթարի բացասական հետևանքների մասին մտահոգությունները։
Արքայազն Ուիլյամը շրջայց է իրականացնում Ճապոնիայում և Չինաստանում։










