Մեծ Բրիտանիայում հանցագործը գողության կեսից քնել է

13:33 • 03.03.15

Բրիտանական Պոնտիպուլ քաղաքի բնակչուհի Ջուլի Ջեյմսը, աշխատանքից տուն վերադառնալով, հայտնաբերել է քնած գողի:

 

Ինչպես նշում է lenta.ru-ն, 51-ամյա կինը հյուրերի համար նախատեսված սենյակում` բազմոցին, հայտնաբերել է անծանոթ տղամարդու: Վերջինս վեր է թռել ու դիմել փախուստի, երբ տանտիրուհին վախից ճչացել է:

 

Որոշ ժամանակ անց իրավապահները բռնել են գողին` 30-ամյա Մեթյու Ուոթերսին, ով, ներխուժելով կնոջ տուն, կերել է սառնարաում եղած պաղպաղակի ողջ պաշարն ու հետո որոշել քնել:

 

Գործազուրկ տղամարդը դատարանում խոստովանել է իր մեղքն ու դատապարտվել 8 ամսվա ազատազրկման, ինչպես նաև՝ 154 դոլար տուգանքի։