ՌԴ Կրասնոդարի երկրամասում «Եհովայի վկաներ» կազմակերպությունը ծայրահեղական է ճանաչվել
ՌԴ Կրասնոդարի երկրամասի Աբինսկ քաղաքի դատարանը ծայրահեղական է ճանաչել «Եհովայի վկաներ» կազմակերպությանը, գրում է Газета-ն։
«Ճանաչել ծայրահեղական և պետական միասնական ռեեստրից հեռացնել Աբինսկ քաղաքի «Եհովայի վկաներ» կրոնական կազմակերպության իրավաբանական անձանց։ Պետական սեփականության հանձնել կազմակերպության ունեցվածքը՝ 800 քմ հողատարածք, Էնգելսի փողոցում գտնվող 67 քմ բնակտարածք»,- ասվում է դատարանի որոշման մեջ։
Նշվում է, որ դատական գործի համար հիմք է հանդիսացել կազմակերպության «Մարդկությունն Աստծո որոնումներում» և «Ի՞նչ է սովորեցնում Աստվածաշունչը իրականում», ինչպես նաև «Աստվածաշունչ. Աստծո՞, թե՞ մարդու խոսքը» հրապարակումների տարածումը, որոնք ներառված են ծայրահեղական նյութերի դաշնային ցուցակում։










