Էրդողանի ուտելիքները փորձարկում են՝ թույնի առկայության համար

14:00 • 05.03.15

Թուրքիայի նախագահ Ռեջեփ Թայիփ Էրդողանը չի ընդունում սնունդ՝ մինչև այն չստուգեն հատուկ լաբորատորիայում՝ պարզելու համար, թե արդյոք այն պարունակում է թույն, թե ոչ, գրում է gazeta.ru-ն՝ հղում անելով The New York Times-ին:

 

Ինչպես հայտնում է նախագահի բժիշկ դոկտոր Սևդեթ Էրդոլը, Անկարայում նախագահական պալատի հազարավոր սենյակներից մեկում կտեղադրվի հատուկ լաբորատորիա, որտեղ կստուգվի սննդում ռադիոակտիվ նյութերի, թույնի կամ վտանգավոր բակտերիաների առկայությունը:

 

«Մենք գիտենք, որ ժամանակակից աշխարհում մարդկանց ուղղակիորեն չեն սպանում, այլ կերակուրի մեջ թաքուն թունավոր նյութեր են լցնում»,- հայտարարել է Էրդոլը:

 

Նա նաև հավելել է, որ հինգ փորձագետ հսկում է պալատում յուրաքանչյուր օր 14 ժամվա ընթացքում, որպեսզի թեստավորեն նախագահական կերակուրները և բավարարեն նրա բոլոր սննդային կարիքները: