Կառավարությունը կապահովի սփյուռքի ավելի քան 900 հայկական դպրոցների դասագրքերի ֆինանսավորումը

13:17 • 05.03.15

Կառավարությունն այսօր հաստատեց «Սփյուռքի հայկական կրթական հաստատություններին ուսումնական գրականության և օժանդակ նյութերի մշակում և տրամադրում» ծրագրի 2015 թվականի ֆինանսավորման չափը:


Սփյուռքի նախարար Հրանուշ Հակոբյանը նշեց, որ յուրաքանչյուր տարի Հայաստանը բավարարում է սփյուռքի հայկական դպրոցների պահանջները:


Նա հայտնեց, որ խոսքը 355 ամենօրյա և շուրջ 600 մեկօրյա դպրոցներին է վերաբերում: Նախարարի խոսքով՝ պահանջարկ կա, և այն գրքերը, որ տրամադրվում են ՀՀ-ի կողմից, ծառայում են հայապահպանությանը:


«Կարծում եմ՝ պետք է արագացնենք»,-ասաց նախարարը՝ խնդրելով վարչապետին հնարավորինս շուտ հաստատել այս որոշումը: