Ռուսաստանի ԱԳՆ-ն մտահոգված է Ուկրաինայի Լվովի մարզ ԱՄՆ զինվորներ ուղարկելու փաստով

16:37 • 05.03.15

Ռուսաստանի ԱԳՆ-ի պաշտոնական ներկայացուցիչ Ալեքսանդր Լուկաշևիչն անհանգստություն է հայտնել Ուկրաինայի Լվովի մարզ ԱՄՆ զինվորներ ուղարկելու կապակցությամբ, գրում է gazeta.ru-ն:

 

«Առկա տեղեկությունների համաձայն՝ այս օրերին Լվովի մարզի Յավորովսկու պոլիգոն է տեղափոխվել Իտալիայում գտնվող ԱՄՆ զինված ուժերի օդա-դեսանտային 173-րդ ջոկատի մինչև 300 զինծառայող»,- հիշեցրել է Լուկաշևիչը:

 

«Այդ զինծառայողները կմարզեն ուկրաինացի զինվորներին: Ամերիկացի զինվորականներն արդեն գտնվում են Ուկրաինայում»,- հայտարարել է Լուկաշևիչը:

 

Ավելի վաղ հայտնի է դարձել, որ ԱՄՆ-ն պատրաստվում է Ուկրաինա ուղարկել առնվազն 300 զինվորական՝ Կիևի զինված ուժերի հետ համագործակցության ծրագրի շրջանակում: