Արամ Ա.-ն ՄԱԿ-ի ներկայացուցչի հետ քննարկել է տարածաշրջանի վերաբերյալ հարցեր (տեսանյութ)

10:34 • 06.03.15

Ն.Ս.Օ.Տ.Տ. Արամ Ա. Վեհափառ Հայրապետը մարտի 5-ի առավոտյան Մեծի Տանն Կիլիկիո կաթողիկոսության մայրավանքի գրասենյակում ընդունել է ՄԱԿ-ի ներկայացուցիչ Սիգրիդ Քաագին, տեղեկացնում է Կիլիկիո Կաթողիկոսության պաշտոնական կայքը:


Հանդիպման ընթացքում քննարկվել են Լիբանանի ներկա իրավիճակի և հատկապես նախագահի ընտրության վերաբերյալ հարցեր, ինչպես նաև անդրադարձել են Միջին Արևելքում տիրող ընդհանուր իրավիճակին:


Այս հարցերի վերաբերյալ Նորին Սրբությունն արտահայտել է իր տեսակետներն ու մտահոգությունները, նաև խոսել Հայոց ցեղասպանության 100-ամյակի և հայ ժողովրդի արդար դատի մասին:


ՄԱԿ-ի ներկայացուցիչը հայտնել է, որ առաջիկա երկու շաբաթում Լիբանանի մասին զեկույց պետք է ներկայացնի ՄԱԿ-ի ընդհանուր քարտուղարին և ապա Անվտանգության խորհուրդ: