Սիրիայում ավիահարվածների հետևանքով սպանվել է «Ջեբհաթ ան-Նուսրայի» ղեկավարը. ԶԼՄ-ներ
Սիրիայում միջազգային կոալիցիոն ուժերի ավիահարվածների հետևանքով զոհվել է դաշտային հրամանատար, որին լրատվամիջոցները «Ջեբհաթ ան-Նուսրա» ահաբեկչական խմբավորման ղեկավար են համարում, տեղեկացնում է РИА Новости գործակալությունը:
Ավելի վաղ հաղորդվել էր, որ դաշտային հրամանատար Աբու Հումամ աշ-Շամին պարզապես վիրավորվել է:
ԱՄՆ-ի բանակի ներկայացուցիչներն իրենց հերթին հաղորդել են, որ վերջին 24 ժամվա ընթացքում զինյալների դիրքերին Իդլիբ նահանգում հարվածներ են հասցրել:
ԱՄՆ-ն մի շարք դաշնակից երկրների հետ Սիրիայի տարածքում գործող ահաբեկչական խմբավորումներին ավիահարվածներ է սկսել հասցնել անցյալ տարվա սեպտեմբերի 23-ից:










