Գրոզնիում մահացել է Նեմցովի սպանության մեջ կասկածվողը

14:22 • 08.03.15

Գրոզնիում մահացել է ՌԴ պետդումայի պատգամավոր Բորիս Նեմցովի սպանության մեջ կասկածվողը, տեղեկացնում է korrespondent.net-ը։


Իրավապահ մարմիններում աղբյուրը հայտնել է, որ Գրոզնիում ձերբակալել են տղամարդու, ով դիմադրություն է ցույց տվել ոստիկանության աշխատակիցներին: Այնուհետև նա ոստիկանության ուղղությամբ նռնակ է նետել, որի հետևանքով տուժել է միայն ինքը։


«Դեպքը տեղի է ունեցել շաբաթ երեկոյան: Գրոզնիի բնակիչը, ում կասկածում էին սպանության մեջ, արգելափակվել է բազմահարկ շենքերից մեկի բնակարանում: Ոստիկաններին հանձնվելու պահանջին պատասխան նա նրանց ուղղությամբ ձեռքի նռնակ է նետել»,- պատմել է աղբյուրը:


Պայթյունի հետևանքով տղամարդը ստացել է վնասվածքներ և տեղում մահացել է: Նշվում է, որ նրանից բացի այլ մարդիկ չեն վիրավորվել:


Ինչպես հաղորդվել էր ավելի վաղ, Բորիս Նեմցովի սպանության մեջ ներգրավվածության կասկածանքով  ևս երկու մարդ է ձերբակալվել։


Հիշեցնենք, որ ընդդիմադիր գործիչ Բորիս Նեմցովը սպանվել է փետրվարի 27-ի երեկոյան Մոսկվայի կենտրոնում: