Մալայզիան և Չինաստանը կշարունակեն անհետացած Boeing-ի որոնումը

12:09 • 08.03.15

Չինաստանի և Մալայզիայի կառավարության ներկայացուցիչները հայտարարել են, որ Malaysia Airlines-ին պատկանող անհետացած Boeing 777-ի որոնողական աշխատանքները կշարունակվեն, գրում է interfax.ru-ն:


Չինաստանի արտգործնախարարը հայտարարել է, որ չինական իշխանությունները անհետացած ինքնաթիռի ուղևորների հարազատներին անհրաժեշտ օգնություն կտրամադրեն:


Մալայզիայի վարչապետ Նաջիբ Ռազակը իր հայտարարության մեջ հույս է հայտնել, որ MH370 թռիչքի ինքնաթիռը կհաջողվի գտնել: Ռազակը նաև ասել է, որ իրականացվող որոնողական գործողությունը ամենաբարդն է ավիացիայի պատմության մեջ:


Boeing 777 ինքնաթիռը, որը МН370 չվերթով Կուալա Լումպուրից մեկնում էր Պեկին, ռադարներից անհետացել էր 2014-ի մարտի 8-ին։