Զամբիայի նախագահն ուշագնաց է եղել Մարտի 8-ի տոնակատարությանը

22:29 • 08.03.15

Զամբիայի նախագահ Էդգար Լունգուն ուշագնաց է եղել երկրի մայրաքաղաք Լուսակայում` Կանանց միջազգային օրվա առթիվ տոնակատարության արարողության ժամանակ: 

Ինչպես հաղորդում է Газета.Ru-ն`   Agence France-Presse-ին հղումով, երկրի ղեկավարը վայր է ընկել այն արարողության հյուրերին ողջունելու  20 րոպե տևած ելույթից հետո: Նախագահին տեղափոխել են զինվորական հիվանդանոց: 

Նախագահի մոտ մալարիա են ախտորոշել, սակայն անհանգստության որևէ պատճառ չկա, ինչպես ասվում է ավելի ուշ մամլո ծառայության տարածված հաղորդագրության մեջ: Ավելի վաղ հայտնի էր դարձել, որ Զամբիայի նախագահը հիվանդ է շաքարախտով: 

Լունգուն նախագահի պաշտոնում ընտրվել է 2015-ի հունվարին կայացած արտահերթ ընտրություններում, որոնք կազմակերպվել էին Զամբիայի նախկին նախագահի  հանկարծամահ լինելուց հետո: