Աֆղանստանում ամբոխը Ղուրանն այրելու համար ծեծելով սպանել է կնոջը և այնուհետ այրել նրա մարմինը (լուսանկարներ, տեսանյութ)
Աֆղանստանի մայրաքաղաքում ամբոխը կնոջը ծեծելով սպանել է, այնուհետ այրել նրա մարմինը և գցել գետը: Ցնցող տեսանյութում երևում է, թե ինչպես է տղամարդկանց խումբը հարվածում 27-ամյա կնոջը Քաբուլի կենտրոնում:
Տեսանյութում երևում է, թե ինչպես է հարձակվողներից մեկը կնոջը հարվածում փայտի կտորով, իսկ մեկ այլ տղամարդ քար է նետում գետնին ընկած կնոջ վրա: Որոշները տրորում են կնոջ մարմինը, իսկ մյուսները՝ հարվածում:
Որոշ տեղեկությունների համաձայն՝ կնոջ մարմինն այնուհետ տարել են գետի մոտ և այրել: Ամբոխը նման քայլի է դիմել, երբ կինը մեղադրվել է Ղուրանն այրելու համար:
Աղջկա հուսահատ ծնողները պատմել են Քաբուլի ոստիկանությանը, որ իրենց դուստրը երկար տարիներ տառապում էր հոգեկան հիվանդությամբ, և նա մտադրված չէր այրել իսլամի սուրբ գիրքը:
Ներքին գործերի նախարարության խոսնակը նշել է, որ հարձակման առնչությամբ ձերբակալվել է չորս կասկածյալ:
Հարձակման տեսանյութը հրապարակվել է սոցիալական ցանցերում: Կադրերում երևում է, թե ինչպես են այլ մարդիկ նկարահանում իրենց բջջային հեռախոսներով, մինչդեռ ամբոխը ծեծում է կնոջը:















