Ռիհաննայի տեսահոլովակում նկարահանված ֆրանսիական ամրոցը վաճառքի է հանվել մոտ 6 մլն դոլարով

Ֆրանսիայում վաճառքի  է հանվել Le Château de Vigny  ամրոցը, որը հայտնվել է Ռիհաննայի Te Amo  երգի տեսահոլովակում՝ 2010-ին: Ինչպես հաղորդում է Корреспондент-ը` The Daily Mail-ին հղումով, մեկնարկային գինը 5.7 մլն դոլար է կազմում:

Փարիզի մերձակայքում գտնվող միջնադարյան կալվածքը կառուցվել է 1504 թվականին՝ Լյուդովիկոս XII արքայի համար: Կառույցն իրենից վեց աշտարակ ունեցող ամրոց  է ներկայացնում` կառուցված նեոգոթական ոճով: Ամրոցը շրջապատված է խրամով: Բացի այդ, պալատի տարածքում կա  ժամատուն և սեփական զնդան:

Le Château de Vigny  ամրոցի սենյակները զարդարված են ոսկեզօծ տերևներով, իսկ առաստաղները զարդարում են երկաթյա ջահերը:

Հիշեցնենք, որ Ռիհաննայի Te Amо երգը, որը ներառված է նրա 4-րդ ալբոմում, 2010-ին գլխավորում էր հիթ-շքերթները ողջ աշխարհով մեկ: