Գվինեթ Փելթրոուն կփորձի մեկ շաբաթ ապրել 29 դոլարով

Հոլիվուդյան դերասանուհի Գվինեթ Փելթրոուն կփորձի մեկ շաբաթ ապրել գնումներ անելով միայն կարիքավորների համար նախատեսված պարենային կտրոնով, գրում է РИА Новости-ն։

Կարիքավոր քաղաքացիներին հատկացվող կտրոնների գումարը կազմում է շաբաթական 29 դոլար (1.38 դոլար մեկ անգամ սնվելու համար)։

Այդ գումարով դերասանուհին գնել է 1 տուփ բրինձ, սև լոբի, ձու և բանջարեղեն։ Այս կերպ նա ցանկացել է ցույց տալ, թե որքան քիչ մթերքներ կարող են գնել կարիքավոր ընտանիքներն այդ կտրոններով։

Փելթրոուն մասնակցում է ակցիայի, որի նպատակն է հանրության ուշադրությունը հրավիրել փաստին, որ 2013-ից պարենային ծրագրի ֆինանսավորումը կրճատվել է կրկնակի։