Եղանակն՝ այսօր
Պուտինը հավանություն է տվել Մոսկվայում Վիսոցկու պատվին փողոց անվանակոչելու գաղափարին
22:55 • 16.04.15
Ռուսաստանի նախագահ Վլադիմիր Պուտինն այսօր ուղիղ եթերով իր հարցուպատասխանի ժամանակ հավանություն է տվել մայրաքաղաք Մոսկվայում Վլադիմիր Վիսոցկու անունով փողոց անվանակոչելու մտահղացմանը: Սրա մասին հայտնում է «Ռոսիյա 24» հեռուստաալիքը:
Ըստ Պուտինի` Վիսոցկին իր արվեստով արժանի է, որպեսզի նրա անունը հավերժանա, այդ թվում` Մոսկվայում փողոցի անվանակոչմամբ:
Ռուսաստանի նախագահը խոստացել է այս հարցով խոսել Մոսկվայի քաղաքապետ Սերգեյ Սոբյանինի հետ:
Ավելի վաղ Պուտինին նման խնդրանքով դիմել էր «Էխո Մոսկվի» ռադիոկայանի գլխավոր խմբագիր Ալեքսեյ Վենեդիկտովը: Նա մասնավորապես առաջարկել էր վերանվանել Մարքսիստական փողոցը: Այդ փողոցը տանում է Տագանկայի թատրոն,որտեղ հանդես էր եկել Վիսոցկին:
Placeholder
Studio One