Քիմ Քարդաշյանի գիրքը գնել են 1 րոպեից էլ քիչ ժամանակահատվածում (լուսանկար)

Ինչպես էլ շատերը վերաբերեն Քիմ Քարդաշյանին, փաստերը բառերից ավելի խոսուն են. աշխարհում Instagram սոցցանցի ամենահայտնի էջը, նորաձևության հեղինակավոր ամսագրերի շապիկները... նրա աճող հանրաճանաչության ֆենոմենն անվիճելի է, գրում է elle.ru-ն:

Իրապատում շոուների աստղի նկատմամբ ժողովրդական սիրո հերթական ապացույցն է դարձել Selfish անվանումով նրա «սելֆիների» գրքի վաճառքը: Երեկ սահմանափակ քանակությամբ հրատարակությունը վաճառքի է հանվել 500 օրինակով, որոնք վաճառվել են վայրկյանների ընթացքում: Աստղի ստորագրությամբ գիրքն արժեցել է 60 դոլար: Գրքի պաշտոնական ներկայացումը կկայանա մայիսին:

Իր ինքնադիմանկարների հավաքածուի մասին Քիմ Քարդաշյանը հայտարարել էր դեռևս անցած ամառ: Աստղը որոշել է ընդլայնել իր ազդեցության ոլորտը և սկսել տարածել իր ինքնադիմանկարները ոչ միայն վիրտուալ տիրույթում, այլև՝ տպագիր: Եվ դա նրան հաջողվել է: