Բեռնում Ցեղասպանության 100-րդ տարելիցին նվիրված հուշ–երեկո է անցկացվել

Շվեյցարիայի մայրաքաղաք Բեռնի կենտրոնական Մյունստեր տաճարում տեղի է ունեցել  հուշ երեկո` նվիրված Հայոց ցեղասպանության 100-րդ տարելիցին, որի ընթացքում կատարվել են  Դավիթ Հալաճյանի Missa de Lumine (Պատարագ Լուսո-ն)՝ Հայաստանի պետական կամերային երգչախմբի,  «Արդենտ» Մյունխենբուխսեյի մանկական երգչախմբի կատարմամբ և Բերնի Կամերային նվագախմբի նվագակցությամբ, այս մասին Tert.am-ին տեղեկացրեց Հայաստանի կամերային երգչախմբի տնօրեն, արվեստի վաստակավոր գործիչ Արմեն Արաբյանը:
 

Հուշ–երեկոյի ընթացքում հնչել են Սևակի, Վարուժանի, Սիամանթոյի երկերից հատվածներ,  ասմունքել է Վիբկե Ցոլլմանը։

Պաշտոնական ճառերով հանդես են եկել  տարբեր ազգերի ներկայացուցիչներ։ Կատարվել է եկեղեցական արարողություն՝ Գուսան Վարդապետ Ալճանեան, Շնորհք Քահանա Չեքիճեան։
 

Եվրոպայում կայացած այս խիստ պաշտոնական համերգ-արարողությունը, կապված Ցեղասպանության 100-ամյա տարելիցին, մեծ հնչեղություն է ստացել և հեռարձակվել է տարբեր երկրներում։
 

Ղեկավարներ՝ Ռոբերտ Մլքեյան, Պետեր Սիգվարդ, Պատրիկ Սեկկիարի, Սուզաննե Գռոսսենբախեր։ Մեներգիչներ՝ Քրիստիանե Բոեսիգեր(սոպրանո),Արամ Օհանյան (բարիտոն)։ Ներկաները` մոտ 1400 հանդիսատես, ստեղծագործությունն ընդունել են  մեծ ոգևորությամբ ու հիացմունքով: