Եղանակն՝ այսօր
Վալենսիայի նվագախումբը Ջորջ Փեհլիվանյանի ղեկավարությամբ ապրիլի 30-ին կներկայացնի Չայկովսկու «Մանֆրեդ սիմֆոնիան»
Վալենսիայի նվագախումբը ամերիկահայ դիրիժոր Ջորջ Փեհլիվանյանի ղեկավարությամբ հինգշաբթի` ապրիլի 30-ին, հանդես կգա բազմազան ծրագրով` նվիրված Պյոտր Իլյիչ Չայկովսկու ստեղծագործություններին: Համերգի կենտրոնական կատարումներից կլինի Չայկովսկու «Մանֆրեդ սիմֆոնիա» ռոմանտիկ ստեղծագործությունը, ինչպես նաև՝ Յոզեֆ Հայդնի «Կոնցերտ շեփորի և նվագախմբի համար» աշխատանքը:
Աշխարհահռչակ դիրիժոր Ջորջ Փեհլիվանյանը անցյալ կիրակի Բրյուսելում ղեկավարել է «Քեզ հետ, Հայաստա՛ն» խորագիրը կրող համերգը, որի ժամանակ Բելգիայի Ազգային նվագախմբի հետ միասին ոգեկոչել է Հայոց ցեղասպանության 100-րդ տարելիցը:
Փեհլիվանյանը առաջին հյուսիսամերիկացի դիրիժորն է, ով արժանացել է Բեզանսոնի հեղինակավոր միջազգային մրցույթի պարգևին: Դաշնամուր և ջութակ նվագել սովորելիս նա աշակերտել է հանրահայտ կոմպոզիտորներ Պիեռ Բուլեզին և Լորին Մաազելին:
Studio One