Հայտնաբերվել է լուսանկար, որում Վան Գոգը և Գոգենը միասին են (լուսանկարներ)

Ֆրանսիացի փորձագետ Սերժ Պլանտյուրոնը հայտնաբերվել է բացառիկ լուսանկար, որում, ինչպես ինքն է պնդում, միասին են պատկերված Վինսենթ Վան Գոգը և Պոլ Գոգենը, գրում է ՏԱՍՍ գործակալությունը։

Ավելի վաղ համարվում էր, որ Վան Գոգի լուսանկարներից քիչ են պահպանվել, ընդամենը 1-2 հատ։ Լուսանկարը Պլանտյուրոյի մոտ փորձաքննության է բերել մի կին հավաքորդ։ Նախորդ տարի Պլանտյուրոն հայտնի էր դարձել նրանով, որ հայտնաբերել էր ֆրանսիացի պոետ և լրագրող Շառլ Բոդլերի լուսանկարը։

Այժմ հայտնաբերված լուսանկարում պատկերված է 6 մարդ։ Նրանցից մեկը Գոգենն է։ Ավելի լավ զննելով՝ փորձագետը նկատել է Վան Գոգին։ Սեղանի շուրջ նստած մարդկանց մեջ Պլանտյուրոն նկատել է նաև մեկ այլ հայտնի նկարիչ Էմիլ Բեռնարին։ Ինչպես նաև քիչ հայտնի նկարիչ Ֆելիքս Արման Ժոբե Դյուվալին։

Բացառիկ լուսանկարն արդեն վաճառքի է դրվել աճուրդում, որը կանցկացվի Բրյուսելում հունիսի 19-ին։ Ենթադրվում է, որ այն կվաճառվի 120-150.000 դոլարով։