Սթոունհենջի մոտ առեղծվածային պատկերներ են հայտնվել գետնի վրա. տեսանյութ
Անօդաչու թռչող սարքով արված տեսագրությունը նոր հսկայական պատկերներ է բացահայտել Սթոունհենջի մերձակայքում:
Russia Today-ի փոխանցմամբ` շրջաններ ու առեղծվածային երկրաչափական պատկերներ են ֆիքսվել Անգլիայի Ուիլթշիրի կոմսությունում, որտեղ գտնվում է հանրահայտ Սթոունհենջը:
Արտերում հայտնվող նման անբացատրելի պատկերների ֆենոմենի մասին լայնորեն հայտնի է դարձել 1960-ականներից սկսած, չնայած երևույթի մասին հիշատակությունները թվագրվում են 1600-ականներով:
Նման օդային նկարահանումների տեսանյութեր հրապարակող MrGro կայքը, սակայն, կարծիք է հայտնում, թե նման պատկերների մեջ «այլմոլորակայինների հետք» փնտրել պետք չէ:










