Մոսկվայում Ադրբեջանի երեք քաղաքացիներ առևանգել են իրենց հայրենակցին և 10 մլն դոլար պահանջել

16:32 • 30.06.15

Մոսկվայում ձերբակալվել է Ադրբեջանի երեք քաղաքացի, ովքեր կասկածվում են իրենց հայրենակցի առևանգման մեջ։ 

 

Ինչպես հաղորդում է ԱՊԱ գործակալությունը, Մոսկվայի ոստիկանության կողմից անցկացված օպերատիվ-հետախուզական միջոցառումների արդյունքում ձերբակալվել է հանցավոր խմբի երեք անդամ, ովքեր այս տարվա մայիսին առևանգել են 26-ամյա ադրբեջանցի ձեռնարկատիրոջ։

 

Հանցագործները որպես փրկագին ձեռնարկատիրոջ ընտանիքից պահանջել են 10 միլիոն դոլար։

 

Հաղորդվում է, որ կասկածյալները եղել են Ադրբեջանի 26, 46 և 48 տարեկան քաղաքացիներ: Առևանգված գործարարն ազատ է արձակվել: Խուզարկության ժամանակ տանը, որտեղ պահել են առևանգվածին, ատրճանակ է հայտնաբերվել։

 

Փաստի առթիվ հարուցվել է քրեական գործ, անցկացվում է հետաքննություն: