Հովիկ Աբրահամյանն ու Դմիտրի Մեդվեդևը հեռախոսազրույց են ունեցել

15:53 • 01.07.15

Հայկական կողմի նախաձեռնությամբ տեղի է ունեցել Հայաստանի Հանրապետության վարչապետ Հովիկ Աբրահամյանի և Ռուսաստանի Դաշնության կառավարության ղեկավար Դմիտրի Մեդվեդևի հեռախոսազրույցը։ Այդ մասին հայտնի է դարձել Ռուսաստանի կառավարության կայքում տեղադրված հաղորդագրությունից:

 

Կառավարությունների ղեկավարները քննարկել են ռուս-հայկական հարաբերությունների արդի հարցերը, այդ թվում՝ Երևանում հունիսի 25-26-ին կայացած Տնտեսական համագործակցության միջկառավարական հանձնաժողովի նիստի արդյունքները։

 

Դմիտրի Մեդվեդևը և Հովիկ Աբրահամյանն ընդգծել են տարբեր ոլորտներում երկկողմ համագործակցության ակտիվացման կարևորությունը։