Էկվադորի իշխանությունները մեղադրել են ընդդիմությանը նախագահական պալատը գրավելու փորձի համար
РИА Новости. Дмитрий Знаменский
Էկվադորի իշխանությունները չորեքշաբթի օրը մեղադրել են ընդդիմությանը Կիտոյում նախագահական պալատը գրավելու և օդանավակայանները, ինչպես նաև հարևան Կոլումբիայի և Պերուի հետ սահմանին գտնվող անցակետերն արգելափակելու մտադրության համար, հաղորդում է ria.ru-ն:
Էկվադորի ներքին գործերի նախարար Խոսե Սերանոյի խոսքով՝ այդ գործողություններն ընդդիմությունը պլանավորում էր իրականացնել հինգշաբթի օրը նախատեսվող բողոքի ցույցերի ժամանակ:
«Ենթադրվում էր ուժով վերցնել Կարոնդելետ պալատը, հավաքել մարդկանց և նրանց կենտրոնացնել Անկախության հրապարակի մուտքերի մոտ»,- ասել է Սերանոն։
Այդ բոլոր գործողությունների նպատակը պետք է դառնար երկրում քաոսի ստեղծումը հուլիսի 6-8-ը նախատեսվող Հռոմի Ֆրանցիսկոս պապի այցը տապալելու համար, նշել է նախարարը։










