Ամենակարևորն այն է, որ ստեղծված ազգային վերածննդի նախադրյալը կարողանանք զարգացնել. Արծրուն Պեպանյան

12:05 • 07.07.15

Քաղաքական ուսումնասիրությունների «Վերելք» հիմնադրամի նախագահ Արծրուն Պեպանյանն այսօր մամուլի ասուլիսին նշեց, որ ամենակարևորն այն է, թե էլեկտրաէներգիայի սակագնի բարձրացման դեմ ձևավորված պայքարի արդյունքում ստեղծված ազգային վերածննդի նախադրյալը կարողանանք զարգացնել:


Ինչ վերաբերում է ոստիկանության գործողություններին, Արծրուն Պեպանյանը նշեց, որ երբ քաղաքացիները անցան բարեկրթության սահմանը, ինքն անձամբ ասաց, որ պետք է ցրել, բայց ոչ այն ձևով, ինչպես արեցին այդ օրը,  այլ այնպես՝ ինչպես երեկ եղավ:


Ըստ նրա՝ հաճախ մենք իշխանություններին ընկալում են որպես թշնամի և իրենք մեզ էլ չեն կարող չվերաբերվել որպես թշնամի, և նա կարծում է, որ այդ թշնամանքը իննսունական թվականից սկսվել է  ընդդիմությունից:


Անդրադառնալով Բաղրամյան փողոցի այդքան օրեր փակ լինելուն՝ Արծրուն Պեպանյանը նշեց, որ իշխանության նյարդերը տեղի տվեց, սակայն նա իշխանությունների փոխարեն կթողներ այնքան փակ մնար Բաղրամյան պողոտան, մինչև մարդ չգար:


«Ես կցանկանամ սոցիալական շարժումը շարունակվի և ես պատրաստ եմ այնտեղ լինել, խորհուրդներ տալ»,- ասաց նա: