Դանակով զինված տղամարդը հարձակում է իրականացրել Հռոմի Կոլիզեումում` բացականչելով «Ալլահը մեծ է»
Դանակով զինված տղամարդը Հռոմի Կոլիզեումում հարձակվել է 26-ամյա զբոսաշրջուհու վրա` ստիպելով նրան ծնկի իջնել:
Ինչպես հաղորդում է Daily Mail-ը` միջադեպը տեղի է ունեցել հարյուրավոր այցելուների աչքի առաջ: «Ալլահը մեծ է» և «Աստված է ուղարկել ինձ» բացականչություններով տղամարդը հարձակվել է աղջկա վրա և ստիպել ծնկի գալ:
Ականատեսների խոսքով` այդ տեսարանը շատ նման էր ԻԼԻՊ-ի գլխատման տեսարաններին, երբ դանակով զինյալը կանգնած է լինում պատանդի կողքին:
Շոկային վիճակում հիվանդանոց տեղափոխված աղջիկը պատմել է, որ Հռոմ էր եկել քրոջ ավարտական երեկույթին մասնակցելու համար:
Տղամարդը դեպքի վայրից փախուստի էր դիմել ոստիկանության ժամանելուն պես, սակայն նրան հաջողվել է վնասազերծել և ձերբակալել:










