Հայաստանի և Արցախի ԱԳՆ-ների միջև քաղաքական խորհրդատվություններ են անցկացվել

13:57 • 20.07.15


Ստեփանակերտում խորհրդատվություններ են տեղի ունեցել Հայաստանի և Արցախի արտաքին քաղաքական գերատեսչությունների տեղեկատվական ստորաբաժանումների միջև, տեղեկացնում է ՀՀ արտգործնախարարության մամուլի ծառայությունը:
 

Հանգամանալից քննարկվել են երկու ստորաբաժանումների գործառույթներին, փոխգործակցության ընդլայնմանն առնչվող հարցեր:

 

Խորհրդատվությունը շարունակվել է ընդլայնված կազմով` Արցախի օրենսդիր և գործադիր մարմինների լրատվական ծառայությունների պատասխանատուների մասնակցությամբ:
 

Այնուհետև խորհրդատվության մասնակիցները հանդիպեցին Արցախի արտգործնախարար Կարեն Միրզոյանի հետ, ում ներկայացրին իրենց քննարկումների բովանդակությունը և արդյունքները: