Սիրիայում 3 իսպանացի լրագրող է կորել

23:52 • 21.07.15

Սիրիայում 3 իսպանացի լրագրող է անհետացել: Lenta.ru-ի փոխանցմամբ` այս մասին հուլիսի 21-ին տեղեկացրել է El Pais իսպանական պարբերականը:
 

Իսպանիայի ԱԳՆ-ի տվյալներով` վերջին անգամ անհետացած լրագրողները կապի են դուրս եկել հունիսի 11-ին` ավելի քան մեկ ամիս առաջ:


Բոլոր լրագրողներն աշխատելիս են եղել Հալեպի շրջակայքում` այն տարածքում, որը վերահսկվում է «Ալ-Կաիդայի» կազմի մեջ մտնող «Ջաբհաթ ան-Նուսրա» («Նուսրայի ճակատ») խմբավորման վերահսկողության տակ:


Անհետացած լրագրողների անուններն են Անխել Սաստրե, Անտոնիո Պամպլիեգա և Խոսե Մանուել Լոպես: Նրանք Սիրիայի տարածք էին հասել Թուրքիայի սահմանով:


Նրանցից երկուսը բացմիցս աշխատել են Սիրիայի թեժ կետերում, իսկ լուսանկարիչ Լոպեսը տարբեր  ժամանակներ լուսաբանել է Աֆղանստանում, Իրաքում, Պաղեստինում, Կոսովոյում, Սոմալիում, Սուդանում և Կոնգոյում տեղի ունեցած հակամարտությունները: