Toshiba-ի նախագահը հեռացել է պաշտոնից 1.2 մլրդ դոլարի սկանդալի պատճառով

14:50 • 21.07.15

Ճապոնական հանրահայտ Toshiba տեխնոլոգիական ընկերության գործադիր տնօրեն և նախագահ Հիսաո Տանական այսօր հայտարարել է պաշտոնից հեռանալու մասին, ինչը պայմանավորված է 1.2 մլրդ դոլարի ֆինանսական սկանդալով, որի մեջ ներքաշված է ընկերությունը:
 

Ինչպես հայտնում է Al Arabiya-ն, տարիներ շարունակ ընկերության մի շարք ստորաբաժանումներ հաշվապահության մեջ միտումնավոր սխալներ են թույլ տվել` եկամտի աճ ապահովելու համար:

Աղբյուրը մանրամասնում է, որ Toshiba-ի  թոփ մենեջերներից զատ ֆինանսական սկանդալում ներքաշված  է նաև Տանական: Նշվում է, որ նրա պաշոնանկության  մասին տեղեկության տարածումից հետո ընկերության արժեթղթերի գինն աճել է 6 տոկոսով: