Թուրքիայում հեռակառավարվող 100 կգ-անոց ռումբ է հայտնաբերվել

14:42 • 21.07.15

Թուրքիայի Թունջելի նահանգի ոստիկանությունը հայտնաբերել է 100 կգ-ոց հեռակառավարվող ռումբ, որը տեղադրված է եղել ավտոճանապարհին, գրում է РИА Новости-ն՝ վկայակոչելով Hurriyet թերթին։


Ռումբը հայտնաբերվել է Սյութլյուջու բնակավայրի ճանապարհին՝ Թունջելի քաղաքից 15 կմ հեռավորության վրա։ Ռումբի հայտնաբերման վայր են ժամանել մասնագետները և զրահատեխնիկա։ Այն վնասազերծվել է սակրավորների կողմից։


Թերթի աղբյուրների տվյալներով՝ ռումբը տեղադրել են Թուրքիայում արգելված «Քուրդիստանի աշխատավորական կուսակցության» (PKK) գրոհայինները։