Բարի գալուստ նախնիների հայրենիք. ծաղրանկարիչները ծաղրել են Օբամային (լուսանկարներ)
Քենիայում ծաղրանկարների ցուցահանդես է բացվել, որտեղ ծաղրանկարիչներն իրենց վերաբերմունքն են արտահայտել ԱՄՆ նախագահ Բարաք Օբամայի՝ Նայրոբի այցի վերաբերյալ, գրում է ria.ru-ն՝ VICE News-ին հղումով:
Այդկերպ քենիացիներն իրենց վերաբերմունքն են ցույց տվել ամերիկացի նախագահին, ում հայրն այդ աֆրիկյան երկրից է:
Նայրոբիի պատկերասրահում ցուցահանդեսը կազմակերպել է երկրում հայտնի քաղաքական ծաղրանկարիչ Պատրիկ Գատարան:
«2008 թվականին Օբամայի ընտրությունը (ԱՄՆ նախագահի պաշտոնում) Քենիայի համար տոն է դարձել: Քենիացիները դա ընկալում էին որպես հույսի փարոս և Քենիայի ու ԱՄՆ-ի միջև ավելի սերտ հարաբերությունների նախանշան: Այնուամենայնիվ, դա տեղի չունեցավ: Նա դարձավ ամերիկյան նախագահ, բայց ոչ քենիացի՝ Սպիտակ տանը»,- ասել է ծաղրանկարիչը:














