Չեչեն կանայք խարդախությամբ գումար են ստացել ԻՊ-ի անդամներից

08:59 • 30.07.15

Չեչնիայից երեք կանայք սոցիալական ցանցերում կեղծ էջերով կապվել են «Իսլամական պետություն» ահաբեկչական կազմակերպության հավաքագրողների հետ և ԻՊ-ին միանալու ցանկության պատրվակով գումար խնդրել, գրում է gazeta.ru-ն:

 

Կապ հաստատելուց հետո նրանք ասել են, որ իրենք չունեն բավականաչափ գումար Սիրիա տեղափոխվելու համար: Երբ նրանց էլեկտրոնային դրամապանակներին է փոխանցվել անհրաժեշտ գումարը, նրանք ջնջել են իրենց էջերը։

 

Ներկայում կանանց գործողությունների նկատմամբ քննություն է իրականացվում։