Մոտ 2.000 ռուսաստանցի կռվում է «Իսլամական պետության» շարքերում. «Коммерсантъ»
ՌԴ ազգությունների հարցերով դաշնային գործակալության ղեկավար Իգոր Բարինովը հարցազրույցներից մեկում հայտնել է, որ «Իսլամական պետություն» ահաբեկչական խմբավորման շարքերը համալրել է մոտ 2.000 ռուսաստանցի:
«Ըստ տարբեր տվյալների՝ մոտ 2.000 մարդ է մեկնել Իրաք, Սիրիա»,- «Коммерсантъ»-ին ասել է պաշտոնյան։
Բարինովը նաև հավելել է, որ ներկայում իրենց գործակալությունը ծրագիր է մշակում, որը թույլ կտա գտնել ծայրահեղական քարոզչությամբ զբաղվող կայքերն ու արգելափակել դրանք:
Աղբյուրը հավելում է, որ ավելի վաղ ռուսական հետախուզությունը տարածել էր, որ «Իսլամական պետության» շարքերում կռվում է 100 երկրի ներկայացուցիչ։










