Մարադոնան նախկին կնոջը մեղադրել է 9 մլն դոլար գողանալու համար
Արգենտինայի ֆուտբոլի հավաքականի նախկին հարձակվող Դիեգո Մարադոնան մեղադրել է նախկին կնոջը՝ Կլաուդիա Վիլաֆանեին, իր բանկային հաշիվներից 9 միլիոն դոլար գողանալու համար, գրում է interfax.ru-ն:
«Եթե նա արել է այն, ինչից մենք վախենում ենք, դժբախտաբար նա ստիպված կլինի բանտ գնալ»,- ասել է 54-ամյա ֆուտբոլիստը:
Մարադոնան ծանոթացել է Վիլաֆանեի հետ Բուենոս Այրեսի աղքատ թաղամասում դեռ հայտնի դառնալուց առաջ:
Մարադոնայի և Վիլաֆանեի երկու դուստրերը՝ Դալման և Ջանինան, Twitter-ում աջակցություն են հայտնել իրենց մայրիկին:










