Ռեստորանում թունավորված քաղաքացիները տեղափոխվել են «Սուրբ Գրիգոր Լուսավորիչ» ԲԿ վերակենդանացման բաժնից
Սուր սննդային թունավորում ախտորոշմամբ «Սուրբ Գրիգոր Լուսավորիչ» բժշկական կենտրոն դիմած բոլոր քաղաքացիները դուրս են գրվել վերակենդանացման բաժնից։ Այս մասին Tert.am-ի հետ զրույցում հայտնեցին բժշկական կենտրոնից։
«Նորք» ինֆեկցիոն հիվանդանոցից, որտեղ տեղափոխվել էին քաղաքացիները մի մասը, նշեցին, որ իրենց մոտ ծանր հիվանդներ չկան, իսկ մնացած տեղեկությունները կհայտնեն վաղը։
Հիշեցնենք, որ Տարածքային կառավարման և արտակարգ իրավիճակների նախարարություն օգոստոսի 1-ին` ժամը 23.45-ին, ահազանգ է ստացվել, որ Երևանի Ավան Առինջ թաղամասում՝ «Հատիսի լանջին» ռեստորանային համալիրում, քաղաքացիների ինքնազգացողությունը վատացել է։ Պարզվել է՝ 29 մարդ թունավորվել է և մի քանիսի վիճակը ծանր է։










