Մեքսիկայի նախագահի թիկնապահից գողացել են նրա ատրճանակը

11:41 • 02.08.15

Լուսանկարը՝ РИА Новости–ի
 

Մեքսիկայի նախագահի թիկնապահից ցույցի ժամանակ գողացել են նրա ծառայողական զենքը, գրում է ria.ru-ն։
 

Միջադեպը տեղի է ունեցել իշխող Ինստիտուցիոնալ հեղափոխական կուսակցության կազմակերպած ցույցի ժամանակ, երբ նախագահ Էնրիկե Պենյա Նիետոյի երկրպագուները փորձել են ճեղքել անվտանգության գոտին պետության ղեկավարին ողջունելու նպատակով։


Մինչ նախագահի թիկնապահը փորձել է կանգնեցնել ամբոխը, ինչ-որ մեկը գողացել է նրա գոտուց ամրացված 9 միլիմետր տրամաչափով Smith and Wesson ծառայողական ատրճանակը։


Թիկնապահն արդեն դիմել է դատախազություն, անցկացվում է հետաքննություն։