Ուիթնի Հյուսթոնի դստեր թաղմանը հնչել է երչգուհու Jesus Loves Me երգը

10:27 • 02.08.15

Լուսանկարը՝ ZUMAPRESS.com-ի
 

Ուիթնի Հյուսթոնի դստեր թաղման ժամանակ հնչել է երգչուհու Jesus Loves Me երգը, գրում է TMZ-ն։


Հուղարկավորության արարողության ժամանակ ցավակցական ելույթներ են ունեցել Բրաուն և Հյուսթոն ընտանիքի անդամներն ու դերասան Թայլեր Պերին։


Աղջկա հայրը՝ Բոբի Բրաունը, ելույթ չի ունեցել, սակայն փոքրիկ գրություն է ներկայացրել, որն ընթերցել են։ Դրանում գրված է եղել. «Ես նույնպես, միշտ կսիրեմ քեզ»:


Հիշեցնենք, որ Բոբի Քրիստինա Բրաունն անգիտակից վիճակում հայտնաբերվել էր լոգարանում 2015-ի հունվարի 31-ին։ Նա գտնվում էր կոմայի մեջ, սակայն վիճակը գնալով վատանում էր։


Բոբի Քրիստինա Բրաունը հայտնի էր որպես իրապատում շոուի հերոսուհի և երգչուհի։ Նա մահացել է հուլիսի 27-ին։