«Հատիսի լանջին» ռեստորանում թունավորված բոլոր քաղաքացիները դուրս են գրվել հիվանդանոցներից
Կոտայքի մարզի «Հատիսի լանջին» ռեստորանային համալիրում օգոստոսի 1-ին գիշերը
թունավորված և հոսպիտալացված բոլոր քաղաքացիները դուրս են գրվել:
Այս մասին Tert.am –ին հայտնեցին ՀՀ առողջապահության նախարարության «Նորք» ինֆեկցիոն կլինիկական հիվանդանոցից, ուր տեղափոխվել էր 8 հիվանդ։
«Սուրբ Գրիգոր լուսավորիչ» բժշկական կենտրոնից Tert.am–ին տեղեկացրեցին, որ այստեղ հոսպիտալացված բոլորը հիվանդները նույնպես դուրս են գրվել:
Հիշեցնենք, որ «Հատիսի լանջին» ռեստորանային համալիրից թունավորման նախանշաններով հոսպիտալացվել էր ընդհանուր առմամբ 29 քաղաքացի։ Տվյալ ռեստորանային համալիրի գործունեությունը կասեցվել է։










