Սալվադորում ֆուտբոլային խաղի ժամանակ 5 մարդ է սպանվել

10:06 • 03.08.15

Սալվադորի կենտրոնական հատվածում ֆուտբոլային խաղի ժամանակ տեղի ունեցած փոխհրաձգության հետևանքով հինգ մարդ է սպանվել, հաղորդում է BBC-ի ռուսական ծառայությունը:

 

Դեպքը տեղի է ունեցել Դելգադո քաղաքում:

 

Անհայտ անձինք մեքենայից կրակ են բացել բաց մարզահրապարակում անցկացվող խաղի մասնակիցների վրա:

 

Մահացածներից առնվազն երեքը ֆուտբոլիստ է եղել: Եվս երկուսի անունը դեռ չի հաղորդվում:

 

Ոստիկանությունը չի բացառում, որ մահացածները տեղի հանցախմբերի անդամներ են եղել:

 

Կրակողի ինքնությունը չի պարզվել: Ոստիկանությունում կարծում են, որ կրակոցներին կարող է առնչություն ունենալ միջազգային Մարա Սալվատրուչա հանցախումբը: