Կալիֆորնիայի իշխանությունները հազարավոր բնակիչների խորհուրդ են տվել լքել իրենց տները՝ անտառային հրդեհների պատճառով
Լուսանկարը՝ Justin Sullivan / Getty Images-ի
ԱՄՆ Կալիֆորնիա նահանգի իշխանությունները խորհուրդ են տվել հազարավոր բնակիչների լքել իրենց տները՝ նահանգի տարածքում անտառային հրդեհների պատճառով, հաղորդում է BBC-ի ռուսական ծառայությունը:
Նման խորհրդի պատճառ է դարձել Սան Ֆրանցիսկոյից հյուսիս անտառային խոշոր հրդեհներից մեկի անակնկալ արագ տարածումը:
Նահանգի իշխանությունները կարծում են, որ ընդհանուր առմամբ հրդեհից և դրա հետևանքներից կարող է տուժել մինչև 13 հազար մարդ: Նրանցից մի քանիսն արդեն պարտադրված կերպով տարհանվել են, մնացածներին խորհուրդ է տրվում ինքնակամ հեռանալ տներից:
Կալիֆորնիայում այս ամառն ամենաերաշտայինն է եղել վերջին տարիների ընթացքում: Այդ ֆոնին նահանգում սկսվել են խոշոր անտառային հրդեհներ:










