Գրոզնիում բացվել է կանանց համար նախատեսված առաջին լողափը Չեչնիայում

19:51 • 04.08.15


Չեչնիայում բացվել է առաջին լողափը կանանց համար, որտեղ կարող են հանգստանալ միայն  կանայք ու աղջիկները, ինչպես նաև մինչև 12 տարեկան տղաները:


«Ստեղծվել են բոլոր պայմանները կանանց հանգստի համար: Երեխաների համար մանկական խաղահրապարակ է կառուցվել:  Լողափի սպասարկող անձնակազմն ամբողջությամբ կազմված է կանանցից», - ТАСС-ի թղթակցին պատմել է լողափի ադմինիստրատոր Փեթիմաթ Ագաևան:


Երեք մետր բարձրությամբ պարսպով ցանկապատված համալիրում ներառված են լողափը, սրճարանը, բուժկետը և փոքր սենյակ:  Լողափի ավազը բերվել է Կասպից ծովի ափերից: